石頭集團一直熱心支持公益，經常舉辦工作坊教導在囚人士中華玉石的文化並慷慨捐贈玉石。學員利用所學得的技巧把捐贈的玉石穿成。一些學員想藉此機會分享感想。

欣欣

參加呢個玉石設計工作坊，對我來講真係一個突破自我的挑戰。我從細就鍾意運動，對手工藝完全冇興趣，甚至可以話毫無經驗。我係跆拳道黑帶，因受傷退出港隊後來放棄咗跆拳道。參加呢個工作坊，起初學習打結已經覺得好吃力，缺乏藝術細胞嘅我，手指根本協調唔倒，但我同自己講唔可以咁易放棄，亦想証明給媽媽看自己不再吊兒郎當，可以令佢放心。幾經辛苦終於完成倒，呢條項鍊唔單止代表我嘅努力同堅持，仲提醒我只要肯面對挑戰，就可以克服佢。而當每次諗起媽媽山長水遠黎探我，我都覺得內疚，我承諾以後會生性，出返去要好好孝順媽媽。

我自細係姨媽照顧下長大，因為父母唔喺我身邊，令我缺少咗安全感。雖然姨媽好照顧我，但我成日都唔聽話，令佢傷心。姨媽一直覺得我有手工藝嘅天賦，佢曾經試過教我做啲簡單嘅手工藝，但我總係心不在焉，冇認真去學。呢次工作坊係我第一次真正下定決心去學手工藝，希望自己可以帶嚟啲改變。剛開始時，我做得唔夠熟練，經常出錯，但我告訴自己，呢個係對姨媽愛嘅回報，我唔可以放棄。過程中，我漸漸發現做手工嘅樂趣，每當完成一個作品，我心入面都充滿成就感，亦諗起姨媽對我嘅期望。我希望之後可以喺手工藝方面發展，讓姨媽見到我嘅努力同成長。

阿怡

呢次玉石工作坊對我來講真係一個全新嘅開始。父母離異讓我成長過程中經歷咗唔少困難，仲有嘅學校曾經被同學欺負，令我變得好冇自信，人生渾渾噩噩咁過，無目標無方向，最終識左啲壞朋友，仲犯事入獄。玉石設計對我來講係全新嘅領域，我完全冇接觸過。每當我完成一個作品見倒咁靚，我就覺得自己嘅努力冇白費到。之後我會開始多啲去嘗試新事物，發掘自己嘅潛能同價值，讓自己係探索中不斷成長。呢次工作坊，除了學習玉石設計，更係我對人生方向嘅一次探索，我會時刻警惕自己唔好再做錯事而令自己後悔。

婷婷

參加呢個玉石設計工作坊對我來講真係一個好好嘅體驗！我自細就好鍾意藝術，今次接觸玉石設計令我有全新嘅體會。坐係工作坊入面，手拎住唔同形狀唔同顏色嘅玉石，心入面充滿靈感同期待。學習穿玉石項鍊嘅過程中，我發現設計唔止係技巧的運用，更加需要耐心去處理每一個細節，我好享受做手工藝嘅時間，可以好專注地做一件自己鍾意嘅嘢。每次成功穿好一條項鍊，我都好有滿足感。今次體驗讓我對藝術嘅熱情多咗，都令我對未來充滿了期待與希望，將來可以繼續探索呢條藝術嘅路，創作出好嘅作品！